15. mars – stíðinu verður að linna

Útifundur á Ingólfstorgi kl. 13 laugardaginn 15. mars

Tillögur SHA um aðgerðir til að binda endi á hernám Íraks og koma á friði í landinu Samtök hernaðarandstæðinga hafa afhent utanríkisráðherra, utanríkismálanefnd Alþingis og þingflokkum stjórnmálaflokkanna tillögur um aðgerðir til að binda endi á hernám Íraks og koma á friði í landinu. Tillögurnar eru þessar:

Hernáminu verði hætt, allar erlendar hersveitir og málaliðar flutt úr landinu og erlendar herstöðvar lagðar niður. Dregið verði verulega úr stærð og umfangi bandaríska sendiráðsins og erlendir verktakar hverfi á brott.
Írak endurheimti fullveldi sitt og heild landsins verði virt.
Sameinuðu þjóðirnar verði í forsvari fyrir sveitum sem vinni að uppbyggingu friðar í Írak í samvinnu við fjölþjóðleg samtök og stofnanir á svæðinu og víðar. Írakar fái aðstoð við að byggja upp innviði samfélagsins og íbúarnir, einkum börn og ungt fólk, fái aðstoð við að takast á við sálrænar afleiðingar af hörmungum undanfarinna ára.
Skuldir Íraks verði afskrifaðar.
Bætur verði greiddar vegna viðskiptabannsins, innrásarinnar og hernámsins.
Írak og íbúar þess fái full yfirráð yfir olíulindum landsins.
Miðausturlönd verði svæði án gereyðingarvopna.
Sett verði af stað sannleiks- og sáttaferli, þar sem mannréttindabrot verði rannsökuð og upplýst með réttlæti og sættir að leiðarljósi.
Samvinna fólksins, samvinna þjóða. Friðarferlið verði ekki aðeins unnið ofan frá af ríkisstjórnum og alþjóðlegum stofnunum, heldur byggist á samvinnu við almenning og milli þjóða.
Sett verði í gang friðarferli fyrir öll Miðausturlönd.

Nánari greinargerð fylgir hverju lið. Æ fleiri eru þeirrar skoðunar að Bandaríkjamenn og bandamenn þeirra verði að draga herlið sín út úr Írak. Ljóst er, hvað sem líður ágreiningi um aðdraganda innrásarinnar, að með henni hefur ekki tekist að stuðla að friðsamlegu samfélagi í Írak. Hernámið er meginorsök þess ófriðarástands sem nú ríkir í landinu. Hins vegar er ólíklegt að óöldin í Írak hætti sjálfkrafa þótt hernáminu ljúki. Því er mikilvægt, um leið og þess er krafist, að hernámi Íraks ljúki, að gerð verði áætlun um leiðir til friðar í framhaldi af því. Slíkar áætlanir hafa verið settar fram að undanförnu, meðal annars af áhrifamiklum stjórnmálamönnum í Bandaríkjunum. Í janúar síðastliðnum gaf friðarstofnunin Transnational Foundation (TFF) í Lundi út tillögur um friðarferli í Írak. Stofnunin hefur verið að kynna þær að undanförnu og hefur Hans von Sponeck, fyrrum yfirmaður hjálparstarfs Sameinuðu þjóðanna í Írak, meðal annarra unnið að þeirri kynningu. Tillögur SHA eru í meginatriðum sniðnar eftir tillögum TFF. Í stefnuyfirlýsingu sinni kvaðst ríkisstjórnin harma stríðsreksturinn þar og vilja leggja sitt á vogarskálar friðar, m.a. með þátttöku í mannúðar- og uppbygggingarstarfi. Ísland studdi innrásina í Írak og ber ábyrgð á henni sem og eftirleiknum. Því afhenda Samtök hernaðarandstæðinga ríkisstjórninni tillögur sínar í þeirri von að hún taki þær til skoðunar, frekari vinnslu og framkvæmda. Lagt er til að Ísland hafi frumkvæði að því að setja fram tillögur í þessum anda og leiti eftir samvinnnu við önnur ríki, þar á meða þau ríki sem studdu innrásina en hafa nú annað hvort dregið stuðning sinn til baka eða hætt þátttöku í hernáminu. Tillögurnar í heild eru aðgengilegar hér: Tillögur SHA um aðgerðir til að binda endi á hernám Íraks og koma á friði í landinu

Færslur

Fréttatilkynning utanríkisráðuneytisins vegna undirritunar samkomulags við Dani og Norðmenn um samstarf á sviði öryggismála

Undirritun við Dani og Norðmenn um samstarf á sviði öryggismála 26.4.2007 FRÉTTATILKYNNING frá utanríkisráðuneytinu Nr. …

28. apríl 2007

Síða 66 af 104.

15. mars – stíðinu verður að linna

Færslur

Hverju svara stjórnmálaflokkarnir? - III.hluti, varalögregla & leyniþjónusta

Alþjóðleg ráðstefna í Prag gegn hervæðingu Evrópu

Vestrænt siðferði í verki

Undirskriftasöfnun til að enda martröðina

Pétur Pétursson. Kveðja frá SHA

Opinn félagsfundur MFÍK

Friðarhús í útleigu

Hverju svara stjórnmálaflokkarnir? - II. hluti, Ísland og NATO

Rússar og NATO í nýtt kalt stríð?

Hverju svara stjórnmálaflokkarnir – I.hluti, varnarsamningur Íslands og BNA

1. maí - til baráttu fyrir réttlæti, velferð og friði

1. maí kaffi SHA 2007

Kröfuspjaldasmiðja Friðarhúsi mánudagskvöld kl. 8

Bókun Steingríms J. Sigfússonar á 1229. fundi utanríkismálanefndar, 24. apríl 2007, um öryggismál á Norður-Atlantshafi

Fréttatilkynning utanríkisráðuneytisins vegna undirritunar samkomulags við Dani og Norðmenn um samstarf á sviði öryggismála