Aldrei aftur Hírósíma, aldrei aftur Nagasaki. - Kertafleytingar 9. ágúst

Frá árinu 1985 hafa íslenskir friðarsinnar fleytt kertum í minningu fórnarlamba kjarnorku-árásanna á Hírósíma og Nagasakí 6. og 9.ágúst 1945 og til að leggja áherslu á kröfuna um heim án kjarnorkuvopna. Um 200 þúsund manns létust í árásunum á borgirnar Hírósíma og Nagasakí. Síðan hafa enn fleiri dáið meðal annars vegna geislavirkni af völdum sprengjanna og margir eiga enn um sárt að binda. Friðarsinnar telja mikilvægt að komandi kynslóðir dragi lærdóma af kjarnorkuárásunum svo slík vopn verði aldrei framar notuð. Þetta er því 29. kertafleytingin hér á landi. Um er að ræða hefð sem upprunin er í Japan, en athafnir af þessu tagi fara fram víða um heim. Í Reykjavík hefst fleytingin klukkan 22:30 föstudaginn 9. ágúst. Safnast verður saman við suðvesturbakka Tjarnarinnar (við Skothúsveg). Fundarstjóri er Áslaug Einarsdóttir mannfræðingur og ávarp flytur Kristinn Már Ársælsson félagsfræðingur. Aðgerðin er á vegum Samstarfshóps friðarhreyfinga, sem er samstarfsverkefni sjö friðarsamtaka og -hópa. Á Akureyri verður einnig kertafleyting, sem þó hefst hálftíma fyrr eða kl. 22:00. Fleytt verður við Minjasafnsstjörnina. Ávarp flytur Taeko Osioka frá Hirosima sem er kennari og virkur friðarsinni þar í borg. Samstarfshópur um frið stendur að fleytingunnni.

Færslur

Síða 54 af 104.

Aldrei aftur Hírósíma, aldrei aftur Nagasaki. - Kertafleytingar 9. ágúst

Færslur

Sögunefnd SHA

Aljóðlegur aðgerðadagur gegn Íraksstríði

Langur laugardagur í Friðarhúsi - undirbúningur fyrir aðgerðir 15. mars

Fjáröflunarmálsverður Friðarhúss - í umsjón MFÍK

Ungliðakvöld SHA

Fundur sögunefndar

15. mars: Stríðinu verður að linna

Alþingi ítrekar fordæmingu sína á fangabúðunum í Guantanamo

Félagsfundur SHA um varnarmálafrumvarp

Fjáröflunarmálsverður Friðarhúss

Orrustuþotur ógna öryggi farþegaflugs

Félagsfundur SHA

Aðalfundur MFÍK, Friðarhúsi

Hershöfðingjar NATO vilja beita kjarnorkuvopnum að fyrra bragði

Þingmenn allra flokka fordæma Guantanamó