23. apríl 2009
Þann 19. ágúst 2005 varð langþráður draumur að veruleika þegar Friðarhús SHA ehf festi sér húseignina á Njálsgötu 87, á horni Snorrabrautar. Friðarhús SHA ehf var stofnað 30. mars 2004. Tilgangur þess er að eiga og reka húsnæði fyrir Samtök hernaðarandstæðinga og skapa vettvang fyrir miðstöð friðar- og afvopnunarbaráttu á Íslandi.
Stofnfélagar voru 15 með 1,18 milljónir króna, þar af átti SHA 500 þúsund sem þau eiga enn. Í apríl 2009 eru félagar orðnir 269 og innborgað hlutafé 7,4 milljónir króna. Kaupverðið var 9,5 milljónir. Í október 2008 var borgað upp bankalán löngu fyrr en björtustu vonir gerðu ráð fyrir. Nú eru einu skuldir félagsins verðtryggt lán frá SHA, sem stendur í 1,7 milljónum. Byrjað er að greiða það niður. Það sem vantar í þessar upphæðir eru tekjur af mánaðarlegum kvöldverðum, sem við stöndum fyrir, og gerðu okkur kleyft að borga lánið upp. Síðan höfum við fengið nokkra styrki frá velunnurum og ómælda sjálfboðavinnu til að gera húsið í stand.
Á aðalfundinum 1. mars 2009 var farið yfir rekstrar og eignastöðu félagsins. Í ljósi þess að félagið stendur mjög vel og eignastaða er langt umfram innborgað hlutafé ákvað fundurinn að eftir 30. apríl 2009 skyldi verð á nýjum hlutum vera fimmtán þúsund krónur í stað tíu þúsund. Þessi hækkun er tæplega vísitöluhækkun frá stofnun félagsins fyrir 5 árum. Hér hefur sumsé verið farin öfug leið miðað við hinn almenna fjármálamarkað.
Þeir sem vilja gerast hluthafar eða bæta við sig geta lagt beint inn á reikning nr. 0130-26-2530 í eigu Friðarhúss, kt. 6004042530. Innleggsnótan gildir sem kvittun en koma þarf fram í texta hver leggur inn og hvort þetta sé styrkur eða hlutur. Hver hlutur er tíuþúsund krónur fram að 30. apríl 2009 en framvegis fimmtánþúsund krónur.
Frekari upplýsingar veita
Sigurður Flosason gjaldkeri SHA, sími 554 0900,
Sigríður Gunnarsdóttir gjaldkeri Friðarhúss, sími 552 4346,
Elvar Ástráðsson, sími 561 5549,
Stefán Pálsson, sími 617 6790.
Staðsetning Friðarhúss er eins og best verður á kosið, 100 metra frá Laugaveginum og áberandi gluggar snúa að fjölfarinni umferðargötu. Eignin er að 1/3 á fyrstu hæð með sérinngangi og síðan gengið niður hálfa hæð í hinn hlutann. Skráð stærð er 125 fm og stærsta opna pláss er um 70 fm. Nú er ekki markmið SHA að binda fjármuni í fasteignum en miðað við þann veruleika sem blasir við er mun hagstæðara fyrir félagsmenn að kaupa en leigja húsnæði fyrir samtökin.
Í Friðarhúsinu má hæglega halda 60 manna samkomur og 100 manns geta setið á fyrirlestri. Gott veggpláss nýtist til hverskonar sýninga og góð aðstaða er fyrir skrifstofurekstur og geymslur fyrir eigur SHA. Hér er lítið eldhús, sem nýtist vel fyrir kaffifundi og einstaka málsverði. 50 manns geta setið til borðs og ef allt pláss er nýtt er hægt að koma fyrir 70. Skjávarpi er fyrir fundi, fyrirlestra og kvikmyndasýningar.
Ýmis önnur félög hafa nýtt sér aðstöðuna, svo sem MFÍK, Félagið Ísland-Palestína, umhverfishópar, ungliðahreyfingar og fleiri sem eru með smáfundi.
Sjá myndir úr Friðarhúsi.
Úr lagagreinum félagsins og stofnfundargerð
Landsráðstefna SHA, haldin 27.-28. nóvember 2009 sendi frá sér eftirfarandi ályktun um aðildina að NATO: …
Landsráðstefna SHA var haldin 27.-28. nóvember í Friðarhúsi. Á fundinum var kjörin ný miðnefnd samtakanna. …
Hinn mánaðarlegi fjáröflunarmálsverður Friðarhúss verður haldinn föstudagskvöldið 27. nóvember. Um er að ræða hið …
Landsfundur SHA verður haldinn í Friðarhúsi 27.-28. nóvember. Setning fundarins verður kl. 18 á föstudeginum, …
Samtök hernaðarandstæðinga á Norðurlandi efna til opins fundar um heimsvaldastefnu og hernaðarhyggju í samtímanum. Fundurinn …
Landsráðstefna SHA verður sett kl. 18 & fjáröflunarmálsverður Friðarhúss hefst kl. 19.
Samtök hernaðarandstæðinga efna til landsráðstefnu dagana 27.-28. nóvember n.k. í Friðarhúsi, Njálsgötu 87. Föstudagur 27. …
Opinn félagsfundur Menningar- og friðarsamtakanna MFÍK mánudaginn 16.nóvember kl. 19 í Friðarhúsi, Njálsgötu 87. Efni …
Í íslenskri þjóðfélagsumræðu er oft látið að því liggja að almenn sátt sé um aðild …
Fjáröflunarmálsverður Friðarhúss verður haldinn n.k. föstudagskvöld, 30. október. Matseldin verður að þessu sinni í …
Aðalfundur Norðurlandsdeildar Samtaka hernaðarandstæðinga var haldinn sl. fimmtudagskvöld. Góð stemning var á fundinum, þar sem …
Opinn félagsfundur MFÍK um Friðaruppeldi.
Aðalfundur Samtaka hernaðarandstæðinga á Norðurlandi verður haldinn í sal Zontaklúbbsins á Akureyri Aðalstræti 54 A, …
Ályktun frá SHA: Samtök hernaðarandstæðinga lýsa miklum vonbrigðum sínum vegna frétta af hugmyndum um stofnun …
