Gengið til friðar í þrjátíu og fimm ár

Íslenskir friðarsinnar hafa efnt til friðargöngu niður Laugaveginn á Þorláksmessu undanfarin þrjátíu og fimm ár. Óhætt er að segja að gangan sé orðin ómissandi þáttur í jólaundirbúningnum og tekur fjöldi fólks sér hlé frá tiltektum og innkaupum rétt fyrir jólin til að leggja sitt af mörkum og styðja kröfuna um frið og afvopnun í heiminum. Undanfarin ár hafa slíkar göngur einnig verið á Þorláksmessu á Akureyri og á Ísafirði og verður svo einnig nú. Að venju stendur Samstarfshópur friðarhreyfinga fyrir göngunni í Reykjavík þann 23.desember. Safnast verður saman á Hlemmi frá klukkan 17:45 og leggur gangan af stað klukkan 18:00. Fólk er hvatt til að mæta tímanlega. Friðarhreyfingarnar selja kerti fyrir göngufólk á Hlemmi. Í lok göngu verður fundur við Austurvöll þar sem Guðrún Margrét Guðmundsdóttir flytur ávarp. Söngfólk úr Hamrahlíðarkórnum og Kór Menntaskólans við Hamrahlíð syngur í göngunni og við lok fundar undir stjórn kórstjórans Þorgerðar Ingólfsdóttur. Friðargangan á Ísafirði leggur af stað frá Ísafjarðarkirkju klukkan 18:00 og er gengið niður á Silfurtorg. Þar verður hefðbundin dagskra með tónlistarflutningi, ljóðalestri og hugvekju sem Pétur Markan flytur að þessu sinni. Á Akureyri stendur Friðarframtak fyrir blysför í þágur friðar Akureyri. Hún hefst klukkan 20 frá Samkomuhúsinu Hafnarstræti og er gengið út á Ráðhústorg. Ræðumaður er dr. Sigrún Stefánsdóttir fjölmiðlafræðingur. Samstarfshópur friðarhreyfinga minnir á að málstaður og rök friðarsinna skipta jafn miklu máli nú og fyrir þrjátíu árum. Stöðugt berast fregnir af ofbeldisverkum þjóða á milli og innan samfélaga. Óheyrilegum fjárhæðum er enn sóað í vígvæðingu og ekkert lát virðist á hernaðarátökum í heiminum. Samstarfshópur friðarhreyfinga:

Félag leikskólakennara.
Friðar- og mannréttindahópur BSRB
Friðar- og mannréttindanefnd Æskulýðssambands Þjóðkirkjunnar
Menningar og friðarsamtökin MFÍK
Samhljómur menningarheima
Samtök hernaðarandstæðinga
SGI á Íslandi mannúðar og friðarsamtök búddista

Nánari upplýsingar gefa:

Ingibjörg Haraldsdóttir. Sími: 8495273/5528653
Guðrún V. Bóasdóttir. Sími: 8919809
Stefán Pálsson. Sími: 6636875

Færslur

Síða 54 af 104.

Gengið til friðar í þrjátíu og fimm ár

Færslur

Sögunefnd SHA

Aljóðlegur aðgerðadagur gegn Íraksstríði

Langur laugardagur í Friðarhúsi - undirbúningur fyrir aðgerðir 15. mars

Fjáröflunarmálsverður Friðarhúss - í umsjón MFÍK

Ungliðakvöld SHA

Fundur sögunefndar

15. mars: Stríðinu verður að linna

Alþingi ítrekar fordæmingu sína á fangabúðunum í Guantanamo

Félagsfundur SHA um varnarmálafrumvarp

Fjáröflunarmálsverður Friðarhúss

Orrustuþotur ógna öryggi farþegaflugs

Félagsfundur SHA

Aðalfundur MFÍK, Friðarhúsi

Hershöfðingjar NATO vilja beita kjarnorkuvopnum að fyrra bragði

Þingmenn allra flokka fordæma Guantanamó