Þingsályktunartillaga um yfirtöku Íslendinga á rekstri Keflavíkurflugvallar

Fimmtudaginn 30. mars var tekin fyrir á Alþingi þingsályktunartillaga Vinstrihreyfingarinnar - græns framboðs um yfirtöku Íslendinga á rekstri Keflavíkurflugvallar og uppbyggingu annarrar atvinnustarfsemi samhliða brottför hersins. Þessi tillaga var reyndar flutt á síðasta þingi en varð ekki útrædd. Tillögunni hefur nú verið vísað til utanríkismálanefndar áður en hún verður tekin til annarrar umræðu. Tillagan er svohljóðandi:

Alþingi ályktar að kjósa nefnd skipaða fulltrúum allra þingflokka auk formanns sem utanríkisráðherra skipar án tilnefningar til að hafa yfirumsjón með og vera stjórnvöldum til ráðuneytis í viðræðum við bandarísk stjórnvöld um yfirtöku Íslendinga á rekstri Keflavíkurflugvallar samhliða brottför hersins. Nefndin kanni einnig rækilega möguleika á að auka hvers kyns borgaralega atvinnustarfsemi í tengslum við flugvöllinn og geri tillögur um aðgerðir í því skyni. Nefndin leiti eftir hugmyndum og þátttöku heimamanna á Suðurnesjum í starfi sínu og eigi við þá náið samstarf. Nefndin skili ráðherra skýrslu sem lögð verði fyrir Alþingi eigi síðar en 1. mars 2006 (svo!). Í greinargerð gera flutningsmenn nánari grein fyrir hugmyndum sínum. Tillöguna með greinargerð og fylgiskjölum er hægt að nálgast hér, en umræður má nálgast hér .

Færslur

Síða 39 af 104.

Þingsályktunartillaga um yfirtöku Íslendinga á rekstri Keflavíkurflugvallar

Færslur

Nató reist níðstöng við Akureyrarflugvöll

Mótmælastaða á Akureyri

Illur gestur: ályktun frá SHA

RV í Friðarhúsi

Einkasamkvæmi í Friðarhúsi

Ávarp á kertafleytingu á Reykjavíkurtjörn

Ávarp á kertafleytingu á Akureyri

Mótmælastaða við Akureyrarflugvöll laugardaginn 8. ágúst klukkan 14.30

Risaveldi á flótta - mótmælum frestað!

Kertafleyting 6. ágúst í Reykjavík, á Akureyri, Egilsstöðum og í Vestmannaeyjum

Kertafleyting á Reykjavíkurtjörn 6. ágúst 2009

Ályktun gegn aðflugsæfingum Nató á Akureyrarflugvelli.

Frá Samstarfshópi friðarhreyfinga

Rauður vettvangur: Rauðar sumarbúðir

Vilja Íslendingar verða þegnar í herveldi gömlu evrópsku nýlenduveldanna?