Kertafleytingar á fjórum stöðum þann 9. ágúst

Efnt verður til kertafleytinga á fjórum stöðum þriðjudagskvöldið 9. ágúst, á Nagasakí-daginn, til að minnast fórnarlamba kjarnorkuárásanna á Japan og til stuðnings kröfunni um frið í veröldinni og heim án kjarnorkuvopna. Í Reykjavík hefur Samstarfshópur friðarhreyfinga fleytt kertum á Reykjavíkurtjörn frá árinu 1985. Engin breyting verður á því nú. Safnast verður saman við suðvesturenda Tjarnarinnar við Skothúsveg kl. 22:30. Silja Aðalsteinsdóttir rithöfundur og bókmenntafræðingur flytur stutt ávarp. Tinna Þorvaldsdóttir Önnudóttir verður fundarstjóri. Flotkerti verða seld á staðnum á kr. 500, athugið að enginn posi verður á svæðinu. Viðburðurinn á Facebook. * * * Á Ísafirði og Patreksfirði verða fleytingar á sama tíma og í Reykjavík, kl. 22:30. Ísfirðingar hittast við Neðstakaupstað á Suðurtanga þar sem Nina Ivanova flytur ávarp. Á Patreksfirði er komið saman við franska minnisvarðann í Króknum og mun María Ósk Óskarsdóttir flytja ávarp. Á báðum stöðum sameinast fólk í yfirlýsingunni: Aldrei aftur Hírósíma og Nagasakí! Kertfleytingin á Vestfjörðum á Facebook. * * * Akureyringar koma saman hálftíma fyrr, kl. 22 við Leirutjörn. Ávarp flytur Árni Hjartarson, en samkoman er haldin í nafni Samstarfshóps um frið. Kertafleytingin á Akureyri á Facebook.

Færslur

Síða 56 af 104.

Kertafleytingar á fjórum stöðum þann 9. ágúst

Færslur

Undirbúningsfundur v. 8.mars

Vísindaferð í Friðarhúsi?

Undirbúningsfundur v. 8.mars

Aðalfundur MFÍK

Langur laugardagur í Friðarhúsi

Undirbúningsfundur v. 8.mars

Einkasamkvæmi í Friðarhúsi

Alþjóðlegi samfélagsvettvangurinn 26. janúar

Ávarp í lok Þorláksmessugöngu á Ísafirði

Ávarp í lok Þorláksmessugöngu á Akureyri

Friðarvefurinn og Samtök hernaðarandstæðinga óska landsmönnum árs og friðar

Ávarp í lok Þorláksmessugöngu

Stóri sannleikur varnarmálanna

Friðarganga á Þorláksmessu

Friðargöngur á Þorláksmessu í Reykjavík, á Akureyri og Ísafirði