Kertafleytingar á fjórum stöðum þann 9. ágúst

Efnt verður til kertafleytinga á fjórum stöðum þriðjudagskvöldið 9. ágúst, á Nagasakí-daginn, til að minnast fórnarlamba kjarnorkuárásanna á Japan og til stuðnings kröfunni um frið í veröldinni og heim án kjarnorkuvopna. Í Reykjavík hefur Samstarfshópur friðarhreyfinga fleytt kertum á Reykjavíkurtjörn frá árinu 1985. Engin breyting verður á því nú. Safnast verður saman við suðvesturenda Tjarnarinnar við Skothúsveg kl. 22:30. Silja Aðalsteinsdóttir rithöfundur og bókmenntafræðingur flytur stutt ávarp. Tinna Þorvaldsdóttir Önnudóttir verður fundarstjóri. Flotkerti verða seld á staðnum á kr. 500, athugið að enginn posi verður á svæðinu. Viðburðurinn á Facebook. * * * Á Ísafirði og Patreksfirði verða fleytingar á sama tíma og í Reykjavík, kl. 22:30. Ísfirðingar hittast við Neðstakaupstað á Suðurtanga þar sem Nina Ivanova flytur ávarp. Á Patreksfirði er komið saman við franska minnisvarðann í Króknum og mun María Ósk Óskarsdóttir flytja ávarp. Á báðum stöðum sameinast fólk í yfirlýsingunni: Aldrei aftur Hírósíma og Nagasakí! Kertfleytingin á Vestfjörðum á Facebook. * * * Akureyringar koma saman hálftíma fyrr, kl. 22 við Leirutjörn. Ávarp flytur Árni Hjartarson, en samkoman er haldin í nafni Samstarfshóps um frið. Kertafleytingin á Akureyri á Facebook.

Færslur

Síða 68 af 104.

Kertafleytingar á fjórum stöðum þann 9. ágúst

Færslur

Aðalfundur Friðarhúss SHA ehf.

Friðarhús í útleigu

Barnagull

Mikil andstaða við NATO á Spáni

Palindrome að kvöldi 30. mars

Miðjarðarhafsmatseðill á 30. mars

Afnám hernáms

Velheppnaður fundur í Reykjavík gegn Íraksstríðinu – aðgerðir um allan heim

Íslendingar taka beinan þátt í stríðinu í Írak – og leggja til einn hermann

Bætt aðgengi að Friðarvefnum

Fyrirlestur Elíasar Davíðssonar á Akureyri

Ríkisstjórnarflokkarnir studdu innrásina í Írak

Mótmælasamkoma í Austurbæ

Kjarni málsins

Friðsöm utanríkisstefna