Miðnefnd skiptir með sér störfum

Nýkjörin miðnefnd SHA kom saman til opins fundar í Friðarhúsi fyrr í kvöld. Rétt er raunar að taka fram að fundir miðnefndar eru alltaf opnir félagsmönnum, en það er fyrst nú með tilkomu Friðarhússins að unnt hefur verið að auglýsa þá sem skyldi. Á fundinum var rætt vítt og breitt um framtíðarverkefni SHA og var andinn mjög góður á fundinum. Í samræmi við lög félagsins skipti miðnefnd með sér störfum. Stefán Pálsson var endurkjörinn formaður og Sigurður Flosason gegnir sem fyrr embætti gjaldkera. Er þetta í síðasta sinn sem miðnefnd kýs sér sjálf formann, því á landsráðstefnu sl. laugardag var samþykkt með eins atkvæðis mun lagabreyting sem felur það í sér að formaður verður eftirleiðs valinn í beinni kosningu. Lög SHA má sjá hér. Fyrir fundinn var ljóst að velja þyrfti nýjan ritara SHA, þar sem fráfarandi ritari félagsins, Einar Ólafsson, gekk úr miðnefnd og einbeitir sér nú að starfi ritstjóra Friðarvefsins. Í stað hans varð fyrir valinu Torfi Stefán Jónsson, sagnfræðinemi.

Færslur

Miðnefnd skiptir með sér störfum

Færslur

Landsfundur SHA - miðvikudag

Stjórnarskrártillögur SHA og hernaðarandstæðingar meðal frambjóðenda

Hátíðarmálsverður Friðarhúss

Hátíðarmatseðillinn

Pöbbkviss róttæklingsins hjá SHA

Friðlýsing Íslands fyrir kjarnorkuvopnum og bann við umferð kjarnorkuknúinna farartækja

Einkasamkvæmi í Friðarhúsi (ÞÖÁ)

Fjáröflunarmálsverður Friðarhúss

MFÍK - opinn félagsfundur 8. nóv.

Landsráðstefna SHA

Nýliðakvöld SHA

Landsráðstefna SHA, 24. nóv. & breytingar á lögum

Friðarmálsverður, föstudagskvöld

Feministafélag fundar í Friðarhúsi

Fjáröflunarmálsverður Friðarhúss