Tvískinnungur varðandi klasasprengjur

Á dögunum var óskað eftir því að Samtök hernaðarandstæðinga veittu umsögn sína um frumvarp varðandi framkvæmd samningsins um bann við klasasprengjum. SHA veittu jákvæða umsögn, en bentu á þá tvöfeldni sem í því fælist að berjast gegn klasasprengjum en taka á sama tíma þátt í hernaðarsamstarfi með Bandaríkjamönnum sem virða saminginn að vettugi. Álitsgerðin var annars á þessa leið: Samtök hernaðarandstæðinga lýsa sig sammála efni 637. máls, lagafrumvarps um framkvæmd samnings um klasasprengjur. Sprengjur þessa eru skelfileg vopn sem auðveldlega má rökstyðja að brjóti í bága við Genfarsáttmálann, þar sem notkun þeirra í hernaði gerir ekki greinarmun á milli almennra borgara og hermanna. Klasasprengjur valda einnig dauða og hörmungum mörgum árum eftir að formlegum hernaði lýkur, þar sem ósprungnar sprengjur verða virkar við litla snertingu.

SHA benda þó á þá tvöfeldni sem felst í því að standa að alþjóðlegu klasasprengjubanni, en vera um leið í hernaðarsamstarfi við ríki sem ekki fæst til að gerast aðili að samkomulaginu og hefur á liðnum árum beitt þeim í hernaði. Þannig notaði Bandaríkjaher gríðarlegt magn af klasasprengjum í stríðinu í Írak 2003, sem íslensk stjórnvöld studdu með ráðum og dáð.

Nú síðast í þessum mánuði (maí 2015) var klasasprengjum beitt í hernaði. Þar var á ferðinni her Sádi-Arabíu í Jemen. Þær sprengjur voru framleiddar í Bandaríkjunum og hefur stríðsreksturinn notið beins og óbeins stuðnings Bandaríkjanna og helstu bandamanna þeirra.

Færslur

Síða 53 af 104.

Tvískinnungur varðandi klasasprengjur

Færslur

Stjórnarfundur Friðarhúss

Fjáröflunarmálsverður Friðarhúss

Lasagne & grænmetisréttur

Frumvarp um friðlýsingu Íslands fyrir kjarnorkuvopnum

Mótmælastaða við kínverska sendiráðið mánudaginn 17. mars kl. 5

Stríðinu verður að linna - útifundur á Ingólfstorgi 15. mars

15. mars – stíðinu verður að linna

15. mars: Stríðinu verður að linna

Munið 15. mars!

Friðargæsluliðar til Afganistan - röng ákvörðun segir Morgunblaðið

8. mars kl. 14 í Tjarnarsal Ráðhúss Reykjavíkur

Stöðvum fjöldamorðin á Gaza - útifundur á Lækjartorgi miðvikudaginn 5. mars kl. 12:15

Miðnefnd SHA fundar

Umsögn SHA um frumvarp til varnarmálalaga

Stjórnarfundur Ísland-Palestína