Tvískinnungur varðandi klasasprengjur

Á dögunum var óskað eftir því að Samtök hernaðarandstæðinga veittu umsögn sína um frumvarp varðandi framkvæmd samningsins um bann við klasasprengjum. SHA veittu jákvæða umsögn, en bentu á þá tvöfeldni sem í því fælist að berjast gegn klasasprengjum en taka á sama tíma þátt í hernaðarsamstarfi með Bandaríkjamönnum sem virða saminginn að vettugi. Álitsgerðin var annars á þessa leið: Samtök hernaðarandstæðinga lýsa sig sammála efni 637. máls, lagafrumvarps um framkvæmd samnings um klasasprengjur. Sprengjur þessa eru skelfileg vopn sem auðveldlega má rökstyðja að brjóti í bága við Genfarsáttmálann, þar sem notkun þeirra í hernaði gerir ekki greinarmun á milli almennra borgara og hermanna. Klasasprengjur valda einnig dauða og hörmungum mörgum árum eftir að formlegum hernaði lýkur, þar sem ósprungnar sprengjur verða virkar við litla snertingu.

SHA benda þó á þá tvöfeldni sem felst í því að standa að alþjóðlegu klasasprengjubanni, en vera um leið í hernaðarsamstarfi við ríki sem ekki fæst til að gerast aðili að samkomulaginu og hefur á liðnum árum beitt þeim í hernaði. Þannig notaði Bandaríkjaher gríðarlegt magn af klasasprengjum í stríðinu í Írak 2003, sem íslensk stjórnvöld studdu með ráðum og dáð.

Nú síðast í þessum mánuði (maí 2015) var klasasprengjum beitt í hernaði. Þar var á ferðinni her Sádi-Arabíu í Jemen. Þær sprengjur voru framleiddar í Bandaríkjunum og hefur stríðsreksturinn notið beins og óbeins stuðnings Bandaríkjanna og helstu bandamanna þeirra.

Færslur

Síða 92 af 104.

Tvískinnungur varðandi klasasprengjur

Færslur

Munið 18. mars! Alþjóðlegur baráttudagur gegn Íraksstríðinu

INNRÁSIN Í ÍRAK – EKKI Í OKKAR NAFNI!

Íraksdagar í Friðarhúsi - þriðjudagur & miðvikudagur

Mótmæladagar

Íraksdagar í Friðarhúsi - mánudagur & þriðjudagur

Dr. Michael Rubin, gestur Háskóla íslands, ákærður fyrir undirbúning árásarstríðs

Íraksdagar í Friðarhúsi - mánudagur & þriðjudagur

Mótmæladagar

Álfyrirtækin og Ísland – fundur á Akureyri 11. mars

Stríðsæsingamaður heldur fyrirlestur í Háskóla Íslands

Vinnufundur v. 18. mars

Bandaríkin setja upp varanlegar herstöðvar í Írak

Miðnefndarfundur SHA

8. mars: munið fundinn í Tjarnarsal Ráðhússins kl. 17

18. mars: fundur í Háskólabíói kl 13, útifundur á Ingólfstorgi kl. 15