Ályktun frá SHA vegna stofnunar rannsóknarnefndar

Samtök Hernaðarandstæðinga fagna hugmyndum um að sett verði á fót nefnd til þess að rannsaka aðdraganda og ástæður þess Ísland gerðist stuðningsaðili innrásarinnar í Írak árið 2003. Brýnt er að allir þættir í aðdraganda þessar ákvörðunar verði dregnir fram í dagsljósið. Slík rannsókn yrði mikilvægur virðingarvottur við þá Íraka sem fallið hafa í stríðinu eða eiga um sárt að binda vegna þess. Þetta fólk á það skilið sannleikurinn komi fram. SHA minna á varnaðarorð andstæðinga stríðsins áður en til innrásarinnar kom. Flestir spádómar þeirra hafa nú ræst, illu heilli. Því er það engin málsvörn fyrir þá sem studdu aðgerðirnar að þeir hafi ekki getað vitað betur. SHA skora á þá sem ábyrgðina bera að stíga fram, biðjast afsökunar á þætti sínum og aðstoða við að upplýsa málið eftir bestu getu. Rannsóknin af þessu tagi er ekki síður mikilvæg til að koma í veg fyrir að slíkir atburðir endurtaki sig. Raunveruleg hætta er á slíku, enda Ísland aðili að árásarsinnuðu hernaðarbandalagi - NATO - sem stendur um þessar mundir í mannskæðri styrjöld í Afganistan. Þá er brýnt að kanna að hvað miklu leyti ákvörðun íslenskra ráðamanna stjórnaðist af voninni um að stuðningur við stríðið gæti framlengt hersetu Bandaríkjamanna á Miðnesheiði um einhver ár. Hafi það verið meginástæðan og stjórnvöld látið stuðning sinn í té til að kría út tveggja ára viðbótardvöl hersins þá er það ömurlegur lokapunktur á herfilegri áratuga sögu hersetunnar.

Færslur

Síða 32 af 104.

Ályktun frá SHA vegna stofnunar rannsóknarnefndar

Færslur

Feministafélag fundar í Friðarhúsi

MFÍK í Friðarhúsi

Gamalt baráttumál nær fram að ganga

Áhugaverður fyrirlestur & kvikmyndasýning

Friðarmerki á Klambratúni

Fjáröflunarmálsverður, föstudag

Opinn félagsfundur MFÍK á alþjóðlegum degi friðar 21. sept.

Myndasýning Íslands-Palestínu

Ályktun vegna ECA-umræðu

Félagsfundur MFÍK

Vel heppnuð kertafleyting á Akureyri

Kertafleyting á Reykjavíkurtjörn, 9. ágúst

Einkasamkvæmi í Friðarhúsi (ALE)

Ályktun vegna uppljóstrana Wikileaks

Er Evrópusambandið ekki friðarbandalag?