Heimsganga í þágu friðar og tilveru án ofbeldis 2. okt. 2009 til 2. jan. 2010

2. október næstkomandi hefst á Nýja Sjálandi heimsganga í þágu friðar og tilveru án ofbeldis. Henni lýkur þrem mánuðum síðar, 2. janúar 2010 við rætur fjallsins Aconcagua í Argentínu, hæsta fjalls Suður-Ameríku. 2. október er fæðingardagur Mahatma Gandhis og Sameinuðu þjóðirnar hafa tilnefnt þann dag sem „Alþjóðlegan dag tilveru án ofbeldis“. Göngunni er komið af stað af samtökunum „Heimur án stríðs“ sem eru alþjóðleg og hafa starfað í 15 ár að friðarmálum og andófi gegn ofbeldi. Tilgangur göngunnar er að:

Ná fram útrýmingu kjarnavopna; hlutfallslegri og stöðugt meiri fækkun annarra vopna; undirritun samninga milli þjóða um að ráðast ekki gegn öðrum; og að ríkisstjórnir hafni stríði sem aðferð til að leysa ágreining.
Viðurkenna og hefja til vegs og virðingar bestu eiginleika ólíkra menningarsamfélaga og þjóða jarðarinnar.
Sameina vilja fólks allsstaðar til að binda endi á þá plágu sem stríð eru.
Skapa alþjóðlega, félagslega vitund sem fordæmir allt ofbeldi hvernig sem það birtist (líkamlegt, sálrænt, byggt á kynþætti, trúarbrögðum, efnahagslegt, kynferðislegt), sem er svo útbreitt og viðurkennt í þjóðfélögum hvarvetna.
Alþjóðleg vitund sem fordæmir allt ofbeldi.

Gengið verður um allar heimsálfur og í hverri borg sem gangan fer um verða skipulagðir einhverjir viðburðir. Nánari upplýsingar er að finna á íslenskri vefsíðu göngunnar, heimsganga.is.

Færslur

Síða 62 af 104.

Heimsganga í þágu friðar og tilveru án ofbeldis 2. okt. 2009 til 2. jan. 2010

Færslur

Erill á Menningarnótt

Frá mótmælunum gegn heræfingum í Reykjavík 14. ágúst 2007

Ávörp til norskra, bandarískra, danskra og íslenskra sjórnvalda

Þriðja ræða frá heræfingamótmælum

Önnur ræða frá heræfingamótmælum

Ræða frá heræfingamótmælum

Hryðjuverkastarfsemi í skjóli æfinga

Mótmæli gegn heræfingum NATO þriðjudaginn 14. ágúst kl. 17

Mótmæli gegn heræfingum

Mótmæli gegn heræfingum

Ávarp við kertafleytingu á Akureyri 9. ágúst

Friður í okkar nafni

Kertafleyting 9.ágúst í Reykjavík og á Akureyri

Kertafleyting á Reykjavíkurtjörn

„Varnarstefna“ ríkisstjórnarinnar og spurningar Þorsteins Pálssonar